Tal câs di Magnàn, che al è difondût massime in Friûl, soredut a Cividât, Prepot (1791 Giovanna di Cristiano q. Giuseppe Magnan di Fragellis sposa Stefano Magnan), Midun, Top, Udin, si pues pensâ a une derivazion di Magnàn, centri abitât cognossût par talian cul non plui pompôs di 'Magnano in Riviera'. No si lasse fûr il concors di altris centris abitâts cul non compagn (un si cjate in provincie di Vicence).
Magnani al è presint a Udin, ma al figure une vore plui difondût in Lombardie, Venit, Emilie-Romagne, Toscane... In chest câs, cence lassâ in bande la derivazion di un dai centris abitâts che si clamin Magnano, o crodìn che il cognon al puedi rifleti cence dubi il non di mistîr magnàn che, in tancj dialets de Italie Setentrionâl, al vûl dî “fari", ma ancje “stagnin, cjalderâr ambulant" (cheste vôs nus somee no cognossude tal furlan).
A Top di Travês si cjatin sei la forme masculine Magnàn che chê feminine Magnàna, dutis dôs documentadis dal Sîscent (1615 Giacomo della Magnana; 1637 Elena detta la Magnana, ereti quondam Zuanne detto Magnan).
fonts
1573, ai 21 di Zenâr don Giorgio Magnani q. Ser Clemente da Gorizia – aveva 19 anni, studiava a Udine abitando in casa di suo zio Tomaso Ferrari (AB); 1599 Vincentio Magnano di Tarcento, teste (ASU CRS 518/1); 1636 Maso di Bortolo e F.lli Magnani di S. Martin di Campagna (ASU CRS 498/2); 1641 Daniel della Magnana di Toppo (ASU CRS 524); 1685, ai 16 di Lui don Francesco Magnani da Annone Veneto accusato di non aver obbedito alle ingiunzioni del S. Officio – dilunc dal procès dal Magnani al dîs: Saranno vint’anni in circa, che io portando affetto ad una Donna moglie di Gio. Gabatello dell’istesso luogo, chiamata per nome Mattia, e capitando à miei piedi confessarsi La ricercai, ordinandogli con metter ordine d’esser ò la mattina, o la Sera con lei per sfogo dei miei sensuali appetiti, et questo successe in tre, o quattro atti di confessioni... Parmi ancora d’ haver detto ad un’ altra Donna pure maritata in Lucca Pol del sop.° logo, voi sette bella, et questo pure nell’attual confessione ... (ACAU – Inq. pr. 573); 1746, ai 5 di Dicembar Gio. Maria Magnan q. Vincenzo anni 60 di Udine – teste – era lavorante in bottega di scodellaro Udine S. Lucia (AB); 1791 Giovanna di Cristiano q. Gius. q. Giac. q. Gio. Magnan di Fragellis di Prepotto sposa il compaesano Stefano di Luca Magnan (Filze); 1816 Francesco Scagnetto q. Gio. Batta, nato a Codroipo nel 1780, servo abit. a Udine, sposa Maria Magnani detta Sibilino q. Gio. Batta nata a Midun nel 1784, serva in Udine (A.P. Udin Redentôr); 2001 al mûr in Brasîl il compositôr, diretôr di orchestre, critic musicâl, docent, Sergio Magnani. Al jere nassût a Udin tal 1914 (Nazzi, 2002).